| — ᠠᠴᠢᠳᠤ ᠡᠵᠢ ᠶᠢᠨ ᠳᠤᠷᠠᠳᠬᠠᠯ ᠳᠤ | ᠡᠯᠢᠭᠡᠨ ᠠᠴᠠ ᠨᠢ ᠪᠤᠯᠠᠭᠯᠠᠭᠰᠠᠨ ᠳᠦᠯᠭᠡᠬᠡᠨ ᠬᠡᠬᠡᠷᠡ | ᠡᠷᠬᠢᠨ ᠡᠷᠬᠢᠨ ᠲᠡᠭᠢᠷᠯᠡᠵᠦ ᠨᠠᠮᠢᠷᠠᠨᠠ | ᠡᠷᠭᠢ ᠪᠠᠨ ᠢᠯᠪᠢᠵᠦ | ᠡᠯᠡᠰᠦᠨ ᠳᠤ ᠨᠢ ᠰᠢᠮᠡᠳᠡᠨ ᠰᠢᠮᠠᠳᠠᠨ ᠤᠷᠤᠰᠤᠨᠠ | ᠡᠩᠨᠡᠭᠦᠯᠵᠦ ᠪᠠᠷᠢᠭᠰᠠᠨ ᠮᠤᠩᠭᠤᠯ ᠭᠡᠷ ᠰᠢᠤᠬᠠᠨ | ᠡᠭᠡᠭᠡ ᠢᠵᠢᠯᠡᠬᠡᠨ ᠭᠤᠷᠪᠠᠨ ᠣᠪᠣᠭᠠ | ᠡᠵᠢ ᠶᠢᠨ ᠮᠢᠨᠢ ᠣᠪᠣᠭᠠ ᠠᠳᠡ ᠰᠦᠭᠯᠡᠶᠢᠨᠡ︕ | ᠬᠤᠯᠠ ᠶᠢᠨ ᠪᠠᠷᠠ ᠳᠤ ᠬᠦᠪᠡᠭᠡᠨ ᠵᠤ | ᠬᠤᠷᠠᠭᠰᠠᠨ ᠠᠳᠣᠭᠤᠳ ᠲᠠᠢ ᠵᠡᠷᠭᠡᠯᠭᠡᠨᠳᠡᠨᠡ | ᠬᠤᠵᠢᠷ ᠲᠠᠢ ᠳᠡᠷᠡᠰᠦ ᠨᠢ ᠵᠢᠷᠦᠬᠡ ᠳᠠᠭᠠᠵᠤ | ᠬᠠᠭᠤᠴᠢ ᠳᠣᠮᠤᠭ ᠢᠶᠠᠷ ᠢᠶᠠᠨ ᠳᠠᠯᠠᠯᠠᠨ ᠳᠠᠯᠠᠯᠠᠨ ᠱᠤᠤᠬᠢᠨᠡ | ᠬᠤᠷᠳᠤᠨ ᠬᠦᠯᠦᠭ ᠤᠨ ᠮᠤᠨᠳᠠᠭᠠᠨ ᠳᠡᠭᠡᠭᠦᠷ | ᠬᠤᠭᠤᠷ ᠤᠨ ᠲᠣᠪᠰᠢᠭᠤᠷ ᠰᠢᠭ᠋ ᠴᠣᠪᠬᠢᠴᠠᠭᠰᠠᠨ ᠳᠤᠷᠠᠰᠤᠮᠵᠢ | ᠬᠤᠯᠤᠰᠤ ᠲᠠᠢ ᠴᠦᠩᠬᠦᠯ ᠤᠨ ᠢᠶᠠᠨ ᠰᠡᠷᠢᠭᠦᠨ ᠪᠤᠯᠠᠭ ᠲᠠᠭᠠᠨ | ᠬᠤᠨᠢᠶᠠᠰᠤᠷᠠᠨ ᠬᠤᠨᠢᠶᠠᠰᠤᠷᠠᠨ ᠲᠣᠯᠢᠳᠠᠭᠳᠠᠬᠤ ᠳᠤ | ᠬᠦᠨᠳᠦᠭᠡᠨ ᠰᠡᠳᠬᠢᠯ ᠤᠨ ᠮᠢᠨᠢ ᠡᠮᠵᠢᠭᠬᠡᠨ ᠵᠠᠢ ᠳᠤ | ᠬᠦᠷᠦᠭᠡᠳ ᠢᠷᠡᠴᠢᠭᠡᠬᠦ ᠴᠦ ᠪᠢᠯᠢᠤ︖ ᠭᠡᠬᠦ | ᠬᠡᠤᠭᠡᠳ ᠲᠡᠨᠡᠭᠵᠢᠶᠡᠷᠬᠡᠨ ᠪᠣᠳᠤᠯ ᠰᠡᠷᠭᠦᠭᠡᠵᠦ | ᠬᠦᠯᠦᠰᠦ ᠶᠢ ᠨᠢ ᠴᠦ ᠭᠡᠳ | ᠲᠠᠩᠨᠠᠢ ᠳᠠᠭᠠᠨ ᠲᠠᠮᠰᠢᠶᠠᠯᠠᠭᠰᠠᠨ ᠨᠤᠲᠤᠭ ᠤᠨ ᠮᠢᠨᠢ | ᠬᠦᠷᠡᠩ ᠭᠤᠪᠢ ᠶᠢᠨ ᠬᠢᠨᠢ ᠬᠠᠶᠢᠳᠠᠭ ᠢᠩᠭᠡ ᠰᠠᠭᠠᠮᠠᠰᠠᠷᠠᠨ ᠪᠤᠶᠢᠯᠠᠵᠤ | ᠬᠦᠭᠡᠷᠦᠬᠦᠢ ᠡᠵᠢ ᠶᠢᠨ ᠮᠢᠨᠢ ᠠᠷᠭᠠ ᠦᠭᠡᠢ ᠯᠠ ᠡᠷᠢᠭᠳᠡᠨᠡ ᠡ | ᠡᠵᠢ ᠶᠢᠨ ᠮᠢᠨᠢ ᠣᠪᠣᠭᠠ | ᠡᠵᠢ ᠠᠴᠠ ᠮᠢᠨᠢ ᠬᠤᠶᠢᠰᠢ | ᠡᠵᠢ ᠰᠢᠭ ᠰᠠᠨᠠᠭᠳᠠᠭᠰᠠᠨ | ᠡᠷᠢᠶᠡᠨ ᠭᠤᠪᠢ ᠶᠢᠨ ᠮᠢᠨᠢ ᠤᠯᠠᠭᠠᠨ ᠣᠪᠣᠭᠠ | ᠠᠷᠴᠠᠨ ᠰᠢᠪᠡᠭᠡᠳᠦ ᠴᠢᠯᠠᠭᠤᠨ ᠮᠠᠨᠳᠠᠯ ᠢ ᠴᠢᠨᠢ | ᠠᠯᠠᠭᠬᠠᠨ ᠵᠢᠷᠦᠭᠡᠨ ᠤ ᠪᠠᠨ ᠴᠢᠰᠤ ᠶᠢ ᠤᠭᠰᠢᠭᠤᠯᠵᠤ | ᠠᠯᠤᠰ ᠤᠨ ᠭᠠᠵᠠᠷ ᠠᠴᠠ ᠰᠦᠷᠳᠡᠨ ᠪᠠᠷᠠᠯᠠᠯᠠ | ᠠᠶᠠᠷᠬᠠᠨ ᠢᠯᠪᠢᠬᠦ ᠬᠡᠭᠡᠷᠠ ᠶᠢᠨ ᠰᠠᠯᠬᠢ ᠶᠢ | ᠠᠯᠠᠭᠠᠨ ᠤ ᠬᠢᠨᠢ ᠳᠤᠯᠠᠭᠠᠨ ᠢᠶᠠᠷ ᠡᠵᠢ ᠪᠠᠨ ᠭᠡᠵᠦ ᠲᠠᠨᠢᠯᠠ | ᠡᠵᠢ ᠶᠢᠨ ᠮᠢᠨᠢ ᠣᠪᠣᠭᠠ | ᠡᠵᠢ ᠲᠠᠢ ᠮᠢᠨᠢ ᠠᠳᠠᠯᠢ ᠡᠨᠡᠷᠢᠯ ᠭᠡᠶᠢᠭᠦᠯᠦᠭᠰᠡᠨ | ᠡᠯᠡᠰᠦᠨ ᠭᠤᠪᠢ ᠶᠢᠨ ᠮᠢᠨᠢ ᠤᠯᠠᠭᠠᠨ ᠣᠪᠣᠭᠠ | ᠰᠦᠯᠳᠡᠨ ᠰᠡᠷᠡᠭᠡ᠂ ᠬᠢᠯᠭᠠᠰᠤᠨ ᠬᠦᠬᠦᠯ᠂ ᠬᠦᠷᠡᠩ ᠰᠢᠷᠤᠭ | ᠰᠦᠭ ᠰᠦᠨᠡᠰᠦᠨ ᠤ ᠮᠢᠨᠢ ᠰᠦᠷ ᠬᠦᠴᠦᠨ | ᠰᠦᠷᠦᠭᠯᠡᠬᠦ ᠮᠠᠯ ᠤᠨ ᠢᠶᠠᠨ ᠳᠠᠯᠠᠯᠭᠠ ᠠᠪᠴᠤ | ᠰᠡᠭᠦᠳᠡᠷ ᠲᠤ ᠴᠢᠨᠢ ᠪᠠᠭᠲᠠᠵᠤ ᠦᠰᠦᠭᠰᠡᠨ ᠪᠦᠬᠦᠨ ᠳᠤ | ᠮᠠᠨᠠᠩᠳᠤ ᠨᠤᠲᠤᠭ ᠤᠨ ᠢᠶᠠᠨ ᠬᠤᠷᠮᠣᠢ ᠶᠢ ᠳᠡᠷᠤᠭᠰᠠᠨ ᠣᠷᠭᠢᠯ | ᠮᠣᠩᠭᠤᠯ ᠲᠦᠮᠡᠨ ᠤ ᠪᠠᠨ ᠬᠡᠶᠢᠮᠤᠷᠢ ᠳᠠᠯᠠᠯᠤᠭᠰᠠᠨ ᠲᠡᠭᠷᠢ | ᠬᠡᠭᠡᠷᠡ ᠶᠢᠨ ᠭᠤᠣᠯ ᠤᠨ ᠤᠯᠠᠭᠠᠨ ᠣᠪᠣᠭᠠ | ᠬᠡᠵᠢᠶᠡ ᠴᠦ ᠰᠡᠳᠬᠢᠯ ᠤᠨ ᠮᠢᠨᠢ ᠡᠵᠢ ᠣᠪᠣᠭᠠ | ᠬᠡᠨ ᠳᠤ ᠴᠦ ᠬᠡᠯᠡᠮᠡ ᠦᠭᠡᠢ ᠭᠤᠨᠢᠭ ᠪᠠᠶᠠᠰᠤᠯ ᠢᠶᠠᠨ | ᠡᠵᠢ ᠠᠴᠠ ᠪᠠᠨ ᠬᠤᠶᠢᠰᠢ ᠴᠢᠮᠠ ᠳᠤ ᠰᠢᠪᠡᠨᠡᠭᠰᠡᠨ ᠶᠤᠮ | ᠡᠭᠡᠯᠢ ᠬᠡᠭᠡᠷᠡ ᠶᠢᠨ ᠡᠷᠭᠢ ᠣᠪᠣᠭᠠ | ᠡᠭᠴᠡ ᠪᠣᠰᠤᠭᠠ ᠱᠣᠪᠬᠤ ᠣᠪᠣᠭᠠ | ᠡᠯᠡᠰᠦᠨ ᠭᠤᠪᠢ ᠶᠢᠨ ᠮᠢᠨᠢ ᠤᠯᠠᠭᠠᠨ ᠣᠪᠣᠭᠠ | ᠡᠵᠢ ᠲᠠᠢ ᠮᠢᠨᠢ ᠠᠳᠠᠯᠢ ᠰᠢᠳᠦᠭᠡᠨ ᠣᠪᠣᠭᠠ | ᠪᠠᠯ ᠢ ᠴᠢᠨᠢ ᠪᠦᠷᠬᠦᠵᠦ ᠲᠠᠭᠠᠨᠠ ᠶᠢᠨ ᠴᠡᠴᠡᠭ | ᠪᠠᠭᠴᠠᠯᠠᠨ ᠪᠠᠭᠴᠠᠯᠠᠨ ᠭᠠᠩᠬᠤᠨᠠ | ᠪᠡᠯᠴᠢᠭᠡᠷ ᠢ ᠴᠢᠨᠢ ᠳᠠᠭᠠᠵᠤ | ᠲᠠᠨᠠᠨ ᠰᠦᠷᠦᠭ ᠳᠡᠯᠭᠡᠨ ᠳᠡᠯᠭᠡᠨ ᠢᠳᠡᠰᠢᠯᠡᠨᠡ | ᠬᠠᠳᠠᠭ ᠤᠨ ᠵᠠᠯᠠᠨ ᠳᠤ ᠴᠢᠨᠢ ᠳᠠᠯᠪᠠᠭᠠᠯᠠᠵᠤ | ᠬᠠᠶᠢᠷᠠ ᠶᠢᠨ ᠰᠢᠯᠦᠭ ᠤᠶᠠᠩᠭᠠᠷᠠᠨ ᠤᠶᠠᠩᠭᠠᠷᠠᠨ ᠲᠠᠷᠪᠠᠨᠠ | ᠬᠠᠯᠠᠭᠤᠨ ᠡᠯᠢᠭᠡᠨ ᠳᠤ ᠴᠢᠨᠢ ᠮᠡᠭᠰᠢᠵᠦ | ᠬᠠᠶᠢᠷᠠᠲᠠᠢ ᠡᠵᠢ ᠪᠠᠨ ᠦᠭᠡᠶᠢᠯᠡᠨ ᠦᠨᠦᠴᠢᠷᠡᠨ ᠳᠤᠷᠠᠰᠤᠨᠠ᠃ | ᠵᠣᠬᠢᠶᠠᠭᠴᠢ ᠶᠢᠨ ᠲᠠᠨᠢᠯᠴᠠᠭᠤᠯᠭᠠ | ᠳ᠋ᠦᠩ ᠰᠤᠶᠤᠯᠲᠤ᠄ ᠳᠠᠷᠬᠠᠨ ᠪᠠᠶᠢᠯᠡ ᠶᠢᠨ ᠬᠤᠰᠢᠭᠤᠨ ᠤ ᠬᠢᠷᠠ ᠰᠤᠮᠤ ᠶᠢᠨ ᠤᠤᠭᠠᠯ᠂ ᠰᠢᠷᠠᠭᠴᠢᠨ ᠲᠠᠬᠢᠶᠠ | ᠵᠢᠯ ᠳᠤ ᠤᠳᠠᠶᠢᠵᠠᠬᠠᠷ ᠵᠠᠮᠤᠰᠤᠨᠳᠤᠩᠭᠤᠢ ᠶᠢᠨ ᠭᠡᠷ ᠲᠤ ᠵᠠᠶᠠᠭᠠᠭᠳᠠᠵᠤ᠂ ᠡᠴᠢᠭᠡ ᠶᠢᠨ ᠳᠡᠷᠭᠡᠳᠡ ᠠᠴᠠ ᠮᠤᠩᠭᠤᠯ | ᠰᠤᠶᠤᠯ ᠤᠨ ᠢᠶᠠᠨ ᠡᠷᠴᠢ ᠦᠪᠯᠡᠵᠦ᠂ ᠡᠷᠳᠡᠮ ᠤᠨ ᠬᠠᠷᠭᠤᠢ ᠳᠤ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠳᠦᠷᠦᠭᠡᠨ ᠳᠤ | ᠦᠨᠳᠡᠶᠢᠪᠠ᠃ 《 ᠰᠦᠯᠳᠡ ᠶᠢᠨ ᠴᠡᠩᠭᠡᠷ ᠨᠣᠲᠤᠭ 》 ᠪᠦᠳᠦᠭᠡᠯ ᠤᠨ ᠤᠤᠭᠠᠨ ᠲᠡᠭᠦᠪᠦᠷᠢ ᠲᠠᠢ ᠦᠪᠦᠷ | ᠮᠤᠩᠭᠤᠯ ᠤᠨ ᠵᠣᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠤᠨ ᠭᠡᠰᠢᠭᠦᠨ᠂ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨ ᠤ | ᠪᠤᠳᠠᠰ ᠤᠨ ᠪᠣᠰᠤ ᠰᠤᠶᠤᠯ ᠤᠨ ᠦᠪᠯᠡᠭᠴᠢ᠂ ᠪᠠᠭᠰᠢ ᠶᠢᠨ ᠠᠯᠪᠠᠳᠠᠨ᠃ | |